يوميات فراشات و تماسيح هايدى نت

ازيكم يا احلى اخوات فى العالم وحشتونى مووووووووووووووووووت بصوا بقى انا قررت اكتب يوميات الفراشات والتماسيح يعنى من وحى التهييس وهتبقى حلقات وكده وانتم ابطالها يعنى وانا هستمر طبعا لو عجبكم لكن لو مش عجبكم انا هقف طبعا مش هكمل



ونبدأ الحلقة الاولى




المشهد رقم(1)

المكان: كافيه من الكافيهات اللى مغرقة ايجيبت

الابطال: محمود ميدو هيرو ياسر اسامه التلاوى

هيرو: انا سمعت طرطشة كلام كده ان الفراشات ناويين يظبطونا

ميدو: طرطشة ايه الله يقرفك مش تنقى كلامك ياض

محمود : مش موضوعنا ده دلوقتى يا ميدو سيبه يكمل

هيرو:بس هو زى ما بقولكم كده هنعمل ايه بقى

محمود:يا مان سيبك ايه رأيك بس فى التيشرت اللى انا لابسه ده بــ 300 جنيه جبته امبارح من سيتى ستارز

هيرو
:شوف احنا في ايه وهو في ايه بقولكم يا جدعان انا مش مستريح ومش مطمن
للبتاعة اللى اسمها نور دى حاسس انها بتنظم لمؤامرة كبيرة ومتفقة هى
والفراشات والبت توتا دى كمان مش سهلة خالص

محمود :ههههههههههههههههههههه نور حرام عليك هى متشردة صحيح بس غلبانة يعنى

هيرو:
غلبانة مين يا ريس دى سوهنة يبان عليها كده بس هى مش كده خالص انا بقول
نبدأ نعقد مؤتمرات من بكره ونتسحر بيهم قبل ما يفطروا هما بينا

محمود: خلاص انا دايس معاكم اهو نتسلى شوية

هيرو: وانت يا ميدو ساكت يعنى ولا السكوت علامة الرضا

ميدو: لا يا معلم السكوت علامة التنفيض بعدين ايه توتا دى قطة هتقولها هش هتجرى

هيرو: طيب ونور

ميدو: نور دى ايه اللى يتخاف منها دى بت خفيفة محدش ياخد على كلامها

اسامه : ليه هى وزنها اد ايه

ميدو : حد يرد على عم الذكى

ياسر : انا سمعت انها بتلعب رفع اثقال وزن الريشة

اسامه : اهاااااااااااااا قولوا كده

ميدو: اصحاب العقول فى راااااااااااااااااااااااااااحة

محمود: ههههههههههههههههههههههههههههههههههه ايه يا مان انت وهو واكلين فول ولا ايه على الاستمورنينج خفيفة يعنى خفيفة

هيرو: لا بجد انا قلبى مش مستريح وانتم واخدين الحكاية بهزار ............معايا ولا ايه يا ياسر؟؟

ياسر: انا شايف ان الشاعر كان معاه حق لما قال الدنيا خربانة والفيوم خربانة

ميدو(قرب حواجبه اوى من بعض وظهر عليه علامات الاهتمام وقال بكل جدية): وانا بأيد رأى الشاعر



المشهد رقم (2)

المكان:جنينة من الجناين اللى مغرقة ايجيبت بردو

الابطال: نونا نور هدير زوزة توتا كنزى ميمى

نور:انتم تبعا عارفين ان احنا النهارده متجمعين عشان نتفق على استراتيجيتنا فى حربنا على التماسيح الفترة الجاية

نونا :خصوصا بعد ما اتأكدنا من نيتهم السودة فى انهم يخلوا السايت للرجال فقط

زوزة : واحنا جاهزين يا كابيرة اللى هتقوللى عليه هيتنفذ وعلى رأى الاستاذة سعاد حسنى كانى مانى ايه دى الدنيا ربيع

نور: طيب سمعونى ارائكم بقى هنعمل ايه

ميمى: انا بقول نحبسهم فى اوضة الفيران ونسيب الفيران تقرقضهم

توتا : تقرقض مين ده احنا هنفتح عليهم هنلاقيهم واكلين الفيران وبيقولولنا عايزين قماااااااااااااااااااااان

كنزى:ههههههههههههههههههههههههههههههههههه

نونا : حد عنده اقتراح تانى

هدير: انا بقول المسامح كريم ونسيبهم بقى حرام عليا كده خلينا احنا احسن منهم

نور: ونبى ما وقت جناحاتك ولا وقت شغل الملايكة دول خالص يا دودو يا بت ارفعى معدل الشيطنة اللى عندك شوية

هدير: حاضر

نور: امووووووووووت انا فى الحاضر وفى اللى بيقولها

نونا : بصوا يا جماعة خلونى انا قاعدة فى الاحتياطى انا فرحى قرب ومش عايزة اى اصابات

زوزة: طبعا يا عروستنا متخافيش انا هسد مكانك

نور: نعم نعم ده ايه الدلع ده بت يا نونا الشغل حاجة والجواز حاجة خامسة خالص

توتا: ايوه الجواز هو المستقبل

ميمى: الهابى فيوتشر

كنزى: يا سلاااااااااااااااااااااااااااااام

نور: الله الله الله الله
ما تفوقى يا بت انتى وهى سيبكم من احلام البنات التافهة دى وركزوا معايا
انا هدى تصريح لنونا وبس وده تبعا لكونها برايد ولانها رئيسة الفراشات لكن
واحدة منكم تنطق بحرف بالمقص وهقصلها جناحتها وتبقى فراشة مع ايقاف التنفيذ

نونا: ميرسى يا نور يا حوبى انا عا رفة انك ميخلصكيش اتجوز بعاهة مستديمة محدش عارف بعد الحرب دى هيجرالنا ايه

نور: متخافيش احنا الفراشات يا بت

كنزى ( بصت للارض وبتتكلم فى سرها): ما هى دى المصبية

نور(كشرت جامد وراحت باصة ناحية كنزى وقايلة بزعيق): بتقولى حاجة يا كنزى

كنزى : لالالالالالالالا ده انا حرانة بس

نور: طيب طيب

هدير: خلاص انا معاكم وامرى لله

زوزة: وانا هعصر دماغى لحد ما اوصل لطريقة يتشحوروا بيها

ميمى: هههههههههههههههههههههههه ايوه ايوه انا عايزة اشحورهم

نور: اشطه كده احنا نستنى للاجتماع الجاى تكون لولو موجودة متفقين يا فراشات

الكل فى صوت واحد متفقييييييييييييييييييييييييين


بس كده خلصت الحلقة الاولى يا رب يكون عجبكم